Barcelona ka mohuar raportet se ka arritur një marrëveshje për rikthimin e Neymar në Camp Nou.

Sky Italia raportoi në fillim të kësaj dite (e enjte) se transferimi i shumëpritur është afër finalizimit, por kampioni spanjoll insiston se ende nuk ka marrëveshje rreth tyre, transmeton portali arbresh.info.

Bazuar në një raport nga Mundo Deportivo, gjiganti katalunas u ka thënë gazetarëve se raportet ishin “të pavërteta” sepse Barcelona nuk mund të përfshijë Ousmane Dembelen si pjesë të kësaj marrëveshje.

Presidenti i Barcelonës, Josep Maria Bartomeu dhe homologu i tij te PSG, Nasser Al Khelaifi, janë në Monaco aktualisht për shortin në fazën e grupeve në UEFA Ligë të Kampionëve.

Dy klubet kanë qenë që një kohë të gjatë në bisedime në lidhje me 27 vjeçarin, i cili u largua nga Barcelona për kalim te PSG dy vite më parë për 222 milionë euro.

Reprezentuesi brazilian është stërvitur me bashkëlojtarët e tij në Paris së fundmi./arbresh.info/